Со воведување на рестрикциите за пратење на акциите на корисниците на веб страните, кои започнаа со IOS14.5+ а кои ги прифатија и другите модерни интернет пребарувачи, се намалија можностите за навремено пратење на резултатите од Facebook рекламите и носење на издржани одлуки во врска со самите реклами.
Како резултат на ова, приметивме во голема мера намалување на Purchase events на Facebook ads за нашите клиенти кои не беа во корелација со она што можеше да го видиме во Google Analytics. Дополнителен проблем се јави и со доцнење на инфомациите во Facebook Ad Accounts за сите events кои Facebook ги прати (Purchase, Initiate Checkout, Add to Cart, View content и сл.).
Поради ова, моментално користиме 3 начини за праќање на информациите кон Facebook серверите и тоа:
- Преку Facebook Pixel (Browser Pixel) – обично ова сите го имаат имплементирано,
- Преку Facebook Conversion API или CAPI (Server Pixel) – како дополнување на Browser Pixel-от,
- Преку Offline Conversion Data (Offline Data).
Првите два метода релативно лесно се имплементираат бидејќи и Facebook нуди бесплатни плагини за различни платформи. Проблем со Browser Pixel и Server Pixel е тоа што Facebook ги прати евентите само до 7 дена од моментот на кликање на рекламата, па ако имате продажен процес кој трае повеќе од 7 дена, нема да имате точни информации ниту ќе може правилно да ги оптимизирате Facebook рекламите. Вакви продажни процеси обично се јавуваат при продажба на поскапи производи каде треба повеќе време за да се одлучи купувачот.
На следната слика може да ги видите информациите кои ги добива Facebook преку Browser Pixel-от и преку Server Pixel-от за еден наш клиент.
По наши анализи, информациите кои Facebook ги добива од Browser Pixel и Server Pixel се поклопуваат во просек од 85-95% што значи дека Server Pixel-от има мало влијае на известувањето за резултатите од Facebook рекламите.
Она што е интересно е дека во последно време за неколку наши клиенти, Facebook добива повеќе информации преку Server Pixel-от отколку преку Browser Pixel-от, како што може да се види и на следнава слика:
Со воведување на Offline Conversion Data, Facebook добива дополнителни информации кои ги споредува со неговата база и врз основа на тоа може да заклучи дали некој што е во Offline Conversion Data, видел и некоја реклама и кликнал на нејзе. Она по што се разликува овој начин од другите два е дека на овој начин може да испраќате информации до 28 дена наместо за 7 дена колку се зачувуваат со предходните два начини.
Овие информации се испраќаат како Offline event sets – опција која ја има во Facebook Business manager во делот Data Sources.
По праќање на информациите, Facebook ќе се обиде да ги поврзе информациите со оние информации кои ги има во неговата база преку емаил, телефон, име, презиме, адреса и слично.
Моменталниот Match rate е околу 70-75% за неколку наши клиенти, но она што е поважно е дека тие информации во многу влијаат на нашите одлуки за оптимизација на рекламите на Facebook. На следнава слика може да ги видите информациите за Website purchases (Browser + Server Pixel) како и Offline purchases (преку Offline Data) и како тие влијаат на вкупниот број на нарачки. За сега, гледаме мало влијание врз ретаргетинг рекламите што е очекувано бидејки Facebook ги сервира ретаргетинг рекламите на оние лица за кој има информации.
Во нормални услови, рекламите кои немаат нарачки или имаат мал ROAS (Return on Ad Spend), би ги исклучиле но со Offline Data Conversion добиваме целосно нов увид во самите кампањи.
На пример, првата кампања нема нарачки преку Browser + Server Pixel но има 2 нарачки преку Offline Data и тоа ја менува сликата за успешноста на таа кампања. Во минатото би ја исклучиле оваа кампања а сега би ја оставиле активна уште неколку дена за да ги видиме резултатите.
Исто така и наредните кампањи имаат подобри резултати со вклучен Offline Data Conversion. Ако ја анализираме четвртата кампања, ќе видиме дека имаме 14 продажби од кои 7 се пријавени преку Browser + Server Pixel а 7 преку Offline Data што ја зголемува успешноста на кампањата за дури 100% па ќе алоцираме повеќе средства на оваа кампања.
Наш заклучок е дека е потребно да се праќаат и Offline Data Conversion бидејќи со тек на време Browser Pixel-от ќе ја изгуби својата функција поради различни политики на приватност а со Offline Data Conversion ќе добиете поточни резултати за Facebook кампањите и ќе може подобро да ги оптимизирате рекламите на Facebook и Instagram.
PRO TIP: За неколку наши клиенти кои користат WooCommerce i Magento2 преносот на Offline Conversions Data кон Facebook го направивме автоматски со поврзување на овие платформи со Facebook преку ZAPIER (https://zapier.com) кој е сервис за пренос на информации од една на друга платформа. Постојат уште неколку вакви сервиси за автоматско пренесување на информациите па проверите дали постои интеграција за вашата платформа.
